Завчера, петок 17ти мај, беше интернационален ден на борбата против хомофобија, трансфобија и бифобија. Како и многу други денови во текот на годината посветени на одредени работи, така и овој ден си има посебно значење за голем број на луѓе кои го слават или почитуваат што е сосема во ред, но во светот се случи преседан кој според мене е една од најконтроверзните одлуки донесени во државата лидер во светот, САД.

Акт на еднаквост (#EqualityAct) – МЕЃУНАРОДЕН СРАМ! Конгресот на САД (контролиран од левицата) ја помина црвената линија меѓу науката (медицината) и човечкото достоинство. Имено, со усвојување на Актот на еднаквост ќе се случат следните работи:

  • Во тоалетите, соблекувалните и други интимни места во училиштата, црквите, студентските домови и друг вид на установи, нема повеќе да постојат машки и женски оддели, туку овој закон наложува дека кој како се чувствува така ќе може и да прави. Пример: машки студенти да го користат женскиот тоалет бидејќи се осеќаат како жени. Што е најтрагично во целата ситуација е дека тоа ќе може да се прави БЕЗ МЕДИЦИНСКА ДИЈАГНОЗА!!! Во слободен превод, јас како маж може да влезам во женска соблекувална и да се шетам гол и туширам бидејќи во моментот се чувствувам така?!? Апсурдно!
  • Актот за еднаквост ќе им наложува (ќе ги ПРИМОРУВА) лекарите да им даваат на малолетници и деца хормонски терапии, анти-пубертет терапија [puberty blockers] дури и операции на промена на пол без довола од родител и без мислење на лекарот! Да да, убаво читате, а тоа во превод би значело дека дете од 13 години може да побара да го смени полот бидејќи боледува од gender dysphoria и хирургот ќе мора да го послуша. Ќе го појаснам ова и медицински бидејќи и јас сум дипломиран лекар за да видите во детали каде е отидена лудоста на новата светска левица.
  • Крај на спортот како што досега го знаеме! Дали ви се верува дека овој Акт наложува дека доколку мажот се чувствува за жена, тој ќе може и ќе мора да се натпреварува во женски дисциплини?!?

Gender Dysphoria (ВИДЕО) е болест каде што луѓето имаат криза на идентитет во случајов ПОЛ. Пример, маж кој има полов орган и секоја можна карактеристика на машко, сепак се осеќа дека е жена. Во тој случај, ваквите мажи прават се за да бидат прифатени во општеството како жена (нешто што биолошки не се), па најчесто се одлучуваат за хормонски терапии со операција.

Каде е проблемот во Актот на еднаквоста? Како лекар и идно медицинско лице кои се занимава и со политика и креирање на политики, би немал проблем доколку ваквите луѓе сакаат да направат се и да подлежат на секоја можна процедура за промена на нивниот изглед/тело/хормони. НО, големо НО, и те како имам проблем доколку се работи за помлади од 18 години! Еве зошто:

На сликата која е превземена од најголемиот конзервативен тинк-тенк во САД, The Heritage Foundation, како и Американската конзервативна групација на лекари и педијатри наречена American College of Pediatricians, можете да забележите дека научно е докажано дека 98% од машките деца кои се чувствуваат за жени го прифаќаат својот биолошки идентитет по завршување на пубертетот, а истото важи и за жените кои со 88% го прифаќаат истото по пубертет. Токму поради оваа статистика, нема да бидам политички коректен и ќе кажам дека само болен ум може да предложи ваков акт каде што малолетници имаат поголемо право на одлучување од лекари кои поминале низ процес на образование од најмалку 10 години и нивните родители.

Овој Акт исто така дава поголема заштита на одредена групација на луѓе (во случајов малцинство) врз товар на сите останати, а тоа што мене најмногу ме загрижува е дека ова не се случува во Холандија или Брисел, туку во центарот на политичкиот Свет, САД! За да разберете во кратки црти што точно се случи погледнете го следното видео од републиканската конгресменка Деби Леско.

 

View this post on Instagram

 

Rep. Debbie Lesko breaks down why this bill would be especially harmful to women.

A post shared by The Daily Signal (@thedailysignal) on

Се надевам дека ова лудило нема да пројде во американскиот Сенат кој на последните избори во САД го добија републиканците на Доналд Трамп. За крај, знам дека овој текст може да биде толкуван различно од таканаречените „ранливи категории“, па затоа да го кажам и мојот став за оваа групација на луѓе.

Јас го делам истиот став како и Алијансата на конзервативци и реформисти во Европа (АКРЕ) во чија политичка фамилија се републиканците од САД, а тоа е точка од декларацијата на АКРЕ потпишана во Рејкјавик која ја потпишува секој партнер на оваа политичка групација: ACRE recognizes the equality of all citizens before the law, regardless of ethnicity, sex or social class. It rejects all forms of extremism, authoritarianism and racism. 

Пишува: Стефан Василевски, управител на Конзерватив МК
Идеолошки и аналитички центар Конзерватив МК
Следете не на Facebook, Instagram & YouTube

Извори: 
1.The Heritage Foundation: LINK – https://www.instagram.com/p/Bxk0hDYhfDD/
2.The Daily Signal: LINK – https://www.instagram.com/p/BxgEi4Dj97K/
3.WEB MD: LINK – https://www.webmd.com/sex/gender-dysphoria#1
4.Planned Parenthood: LINK – https://www.plannedparenthood.org/learn/teens/puberty/what-are-puberty-blockers
5.CNN: LINK – https://edition.cnn.com/2019/05/17/politics/houses-passes-equality-act/index.html

Сподели: