„Железната купола” (англиски: Iron Dome) е ефикасен и мобилен систем за противвоздушна одбрана (ПВО) на Израел пуштен во употреба во 2011 година. Системот е развиен за да се спротивстави на ракетите со многу краток дострел и заканите со артилериска граната од 155 мм со опсег до 70 км. Може да се користи во сите временски услови, вклучувајќи магла, бура од прашина, мала облачност и дожд.

Го штити населението и клучните инфраструктурни објекти и може да биде стратешки поставено за да се намали колатералната штета. Железната купола пресретнува низа воздушни закани, вклучително и Ц-РАМ, крстосувачки ракети, беспилотни летала и слично. Овој ПВО систем досега пресретнал повеќе од 2000 воздушни напади со стапка на успех над 90 отсто.

Изработена од израелското Министерство за одбрана, Железната купола обезбедува одбрана од ракети со краток дострел и ракети што претставуваат закана за цивилното население на северната и јужната граница на Израел.

Системот беше распореден од израелските воздухопловни сили (ИАФ) во март 2011 година.

Во ноември 2012 година, Израел ја инсталираше петтата батерија на Железната купола кај Гуш Дан, како одговор на ракетните напади врз Тел Авив.

Испуштањето ракети од страна на Хезболах за време на Втората либанска војна во 2006 година доведе до развој на Железната купола. Речиси 4.000 ракети, главно од типот Катјуша со краток дострел, беа истрелани врз Хаифа и другите северни региони на Израел. Сепак, распоредувањето на ПВО системот Железна купола во 2011 година значително ја зајакна израелската безбедност и го направи Израел еден вид на неосвоива тврдина на Блискиот исток.

Пишува: Филип Ивановски